Ракометарите на Металург, со победа ја завршија оваа година, кога станува збор за натпреварите во Лигата на шампиони. Металург, во рамките на седмото коло, во Ц групата, забележа победа над Шамбери со 26:22 (13:12).
Спротивно на сите прогнози и очекувања Металург наиде на силен отпор од францускиот тим и до победата стигна дури во последните пет минути на натпреварот. Мечот го одбележаа голамните на двата тима Станиќ со 15 и Домулен со 16 интервенции.
Најефикасен во Металург беше Вугринец со седум погодоци, по четири постигнаа Манасков и Миркуловски, додека по три гола дадоа Георгиевски, Мојсовски и Ракчевиќ.
Дарко Станиќ на голот на Металург имаше 15 успешни одбрани.
Во редовите на Шамбери, најдобар играч беше голманот Домулен кој имаше 16 одбрани, кај стрелците се истакнаа Пати и Нгуесан со по шест голови.
Натпреварот со Шамбери беше последен во Лигата на шампиони, во оваа година за Металург, следниот меч во Ц групата македонскиот првак ќе го одигра на 9.март 2013, кога ќе гостува кај Горење.