Македонскиот репрезентативен плејмејкер Бо Мекелеб се пласира во финалето на турскиот куп, откако неговиот тим Фенербахче во полуфиналето славеше над Бешикташ со 75:66.
Бо беше незабележителен во првиот дел во кој не се запиша во листата на стрелци, но затоа во вторите 20 минути одигра на своето препознатливо ниво и имаше биланс од 12 поени, пет скока и четири скока.
Мекејлеб беше втор стрелец во редовите на Фенербахче зад Андерсен кој оствари 15 поени и 9 скока.
Репрезентативниот плеј може да ја продолжи низата трофеи која ја имаше со Партизан и Монтепаски, ако во финалето слави против победникот од вториот полуфинален дуел меѓу Галатасарај и Банвит.