Во Трудовиот суд во Париз денеска се одржува клучно рочиште за понатамошниот исход од тужбата на Килијан Мбапе против ПСЖ. Напаѓачот на Реал Мадрид бара од својот поранешен клуб 55 милиони евра.
Мбапе се приклучи на парискиот тим во 2017 година за сума од 180 милиони евра. Идилата траеше неколку години, а потоа најдобриот француски фудбалер беше отстранет од тимот и не патуваше на турнејата во летото 2023 година во Јапонија, бидејќи не сакаше да го продолжи договорот.
Тој замина во Реал како слободен трансфер во летото 2024 година, кога поднесе жалба до Комитетот за правни работи на Француската професионална лига. Тој го обвини ПСЖ дека не му ги исплати последните три плати, како и повеќе бонуси. Вкупната сума е 55 милиони.
Парискиот клуб одговори дека Мбапе наводно прифати дека нема да биде платен доколку не го продолжи договорот во 2023 година. Сепак, не е познато дали тој ангажман постои и во каква форма.
На крајот од минатата година, Комитетот за правни работи пресуди во корист на Мбапе и му наложи на клубот да му ја исплати бараната сума. ПСЖ одби и поднесе жалба, а клубот дури и го започна процесот пред граѓанскиот суд против Професионалната лига.
Ни Мбапе не седеше со скрстени раце, па ова лето поднесе тужба за психичко злоставување и обид за изнудување потпис, но по неколку дена ја повлече тужбата.