Фудбалската федерација на Македонија потврди дека Масар Омерагиќ ќе биде единствен кандидат за нов претседател на изборното собрание месецов.
Комисијата за избори и верификација во рамки на Фудбалската федерација на Македонија (ФФМ) го прифати предлогот на Општинскиот фудбалски Сојуз – Свети Николе за поддршка на кандидатурата на Масар Омерагиќ за претседател на Фудбалската федерација на Македонија на Вонредното изборно Собрание на Фудбалската федерација на Македонија на 22. декември 2024. година, соопштија денеска од ФФМ.
Одлуката на Комисијата за избори и верификација во рамки на ФФМ по предлог на ОФС Свети Николе го одреди Масар Омерагиќ за единствен кандидат за претседател на Фудбалската федерација на Македонија на Вонредното изборно Собрание на ФФМ закажано за 22. декември 2024 година, додаваат во своето соопштение од Федерацијата.
Тој ќе го наследи Муамед Сејдини, човекот кој минатите седум години беше на позицијата претседател на Фудбалската федерација на Македонија.