Родри го продолжи договорот со Манчестер Сити до 2027 година, објави англискиот шампион. Шпанскиот играч од средниот ред му се приклучи на тимот на тренерот Пеп Гвардиола во 2019 година и оттогаш забележа 151 настап.
Тој се наметна како еден од столбовите во тимот и менаџерот инсистираше да добие нов договор со кој би останал уште долго на „Етихад“.
Манчестер Сити ова лето се засили со Ерлинг Халанд и Хулијан Алварез во нападот, а Рахим Стерлинг е пред трансфер во Челси. Клубот го напушти Габриел Жесус кој сега е член на Арсенал.
Извор: Топспорт