Македонската ракометна репрезентација вчера го забележа првиот пораз на шампионатот во Франција, совладанa беше од Словенија (22:29). Дејан Манасков истакна дека од поразот треба да се извлечат поуки.
– Прв пораз, заслужено победија Словенците. Дуелот го загубиме на почетокот, противникот се одлепи, а ние промашивме зицери. Голманот Скок беше расположен. Ова е Светско првенство еден натпревар е загубен и треба да се извлечат поуки и да се обидеме да добиеме еден од преостанатите два натпревара и да се пласираме во вториот круг, рече левото крило на македонската репрезентација.
За „црвено-жолтите“ денеска е слободен ден во пресрет на последните два дуела од групата што ги играат против Шпанија (утре) и со Исланд (четврток).
За сигурен пласман во следната фаза на Македонија потребен и е еден бод од двата натпревара или денеска Тунис да не ја победи Словенија.
Од групата Б покрај дуелот Тунис – Словенија во 4.коло играат уште и Исланд – Ангола.
Табела: Словенија 6 бода, Шпанија 4, Македонија 4, Исланд 1, Тунис 1, Ангола 0.