Вечерва во 18 часот по македонско време ќе започне натпреварот од второто коло, во циклусот квалификации за пласман на Европското првенство во Данска, меѓу Македонија и Португалија.
Дуелот со Португалија ќе се одигра во Еспињо, а Македонија со евентуална победа ќе заврши голем дел од работата во Групата 1.
Македонските ракометари во првото коло, убедливо ја совладаа Швајцарија со 30:24.
Во Португалија не отпатуваа крилата Гоце Георгиевски и Стевче Алушовски, како и голамнот Петар Ангелов.
Селекторот Шундовски на нивните места ги повика Златко Мојсовски, Гоце Ојлески и Никола Митревски, кој со 15 одбрани беше еден од најдобрите во победата над Швајцарија.
Натпреварот со Португалија ќе ја пропушти и повредениот Наумче Мојсовски.