Македонската медитеранска кошаркарска репрезентација ќе учествува на турнир во Шангај, Кина како дел од подготовките за Европското првенство во Словенија.
Селекторот Марјан Србиновски покрај „медитеранскиот“ состав на на располагање ги има и браќата Дамјан и Војдан Стојановски.
На списокот на играчи се наоѓаат: Александар Костоски, Војдан Стојановски, Дамјан Стојановски, Дарко Соколов, Горјан Марковски, Марко Симоновски, Владимир Брчков, Бојан Крстевски, Александар Штерјов, Синиша Аврамовски, Бојан Трајковски и Стојан Ѓуровски.
Според распоредот на натпреварите прв противник на Македонија в петок (19 јули) е селекцијата на Црна Гора, следниот ден игра со домаќинот Кина, а последен противник е Исланд на 21 јули.
Репрезентацијата утревечер преку Истанбул заминува за Шангај, а се враќа на 23 јули.