Женската репрезентација на Македонија вечерва во салата „Чаир“ во Ниш го игра првиот натпревар на 10.то Европско првенство што се одржува во Србија. Почетокот на дуелот е во 18 часот и 15 минути што значи и старт на групата Б која ќе се игра во Ниш.
Покрај Македонија и Франција во првото коло од оваа група играат Шведска и Данска (почеток 20:15 часот).
Македонската селекција од вчера се наоѓа во Ниш, каде го одржа и првиот тренинг. Но, за селекторот Гино Стезовски немаше убави вести, бидејќи десното крило Марија Папуџиева се повреди и најверојатно нема да игра на денешниот натпревар со Франција.
Ова не е крај на проблемите со повредите на ракометарките. Најпрвин се повреди Елена Ѓеоргиевска, а потоа на старот од подготовките отпадна и Матилда Атанасоска. Сепак останува желбата на Стрезовски и ракометарките да обезбедат пласман во втората фаза.
Македонија покрај дуелот со Франција, на 6 декември (четврток) ќе игра со Шведска, а на 8 декември (сабота) противник е трикартниот европски шампион Данска.
За натпреварите од првата фаза селекторот Гино Стрезовски ги одреди следните ракометарки:
Голмани: Тања Андрејева (Металург) и Дијана Наумоска (Жито Прилеп).
Крила: Симона Гроздановска (Металург), Драгана Пецевска (Металург), Драгица Митрова (Металург) и Марија Папуџиева (Бодрум – Турција).
Бекови: Мирјета Бајрамовска (Металург), Душица Ѓорѓиевска (Металург), Зорица Десподовска (Металург), Марија Штерјова (Вардар СЦБТ), Билјана Црвенковска (Вардар СЦБТ), Ивана Саздовски (Вардар СЦБТ), Јулија Николиќ (Звезда Звенингород) и Савица Мркиќ (Жито Прилеп).
Пикери: Робертина Мечевска (Металург) и Наташа Младеновска (Металург).
Натпреварот Македонија – Франција ќе го судат унгарските судии Петер Хорват и Балаш Мартон.
Титулата европски шампион ја брани Норвешка.