Женската ракометна репрезентација на Македонија до 18 години денеска ги продолжува натпреварите на Светското првенство кое се одржува во нашата држава.
Во натпревар за пласман од 17-20.место Македонија ќе игра против Ангола. Дуелот ќе се игра во СРЦ „Кале“ во Скопје со почеток во 15 часот и 30 минути. Покрај овој натпревар претходно ќе играат и Тунис – Парагвај во борба за пласман од 17-20.место. Во Скопје на програмата се и средбите за пласман од 21-24.место: Казахстан – Конго и Узбекистан – Кина.
Осминафиналните натпревари ќе се играат во Охрид и во Струмица. Во Охрид се играат дуелите: Унгарија – Холандија (почеток 14 часот); Шведска – Русија (16:15); Норвешка – Бразил (18:30) и Јужна Кореа – Јапонија (20:45). Двојките за осминафиналињата во Струмица се: Германија – Португалија (14 часот), Црна Гора – Аргентина (16:15), Хрватска – Романија (18:30) и Данска – Франција (20:45).
Победниците од осминафиналните натпревари ќе играат во четвртфиналната фаза закажана за среда (30 јули), додека поразените ќе разигруваат за пласман од 9-16.место.