Македонската ракометна репрезентација по двата дена тренинзи во Скопје, денеска во Ниш ќе одигра контролен дуел со репрезентацијата на Египет. Овој натпревар е во функција на подготовките за претстојното Светско првенство кое од 11 до 27 овој месец ќе се одржи во Шпанија. И Египет како и Македонија ќе учествува на Мундијалот.
За селекторот Звонко Шундовски ова ќе биде можност да ги провери силите на играчите, нивната форма, како и да се испробаат некои варијанти.
Утре Македонија исто така во Ниш ќе игра уште еден натпревар, противник ќе и биде домаќинот Србија која е европски вицепрвак. Тоа ќе биде последниот тест пред настапот на СП.
Почетокот на денешната средба со Египет е во 19 часот, а утрешниот меч со Србија е во 18 часот и 30 минути.
Избраниците на селекторот Ѕвонко Шундовски по дуелот со Србија се враќаат во Скопје каде ќе тренираат до заминувањето за Севиља на 11 јануари, со исклучок на 7 јануари – Божик, кога репрезентативците ќе имаат слободен ден.