Кошаркарската репрезентација на Македонија на Европското првенство во кошарка, што ќе се одржи идната година од 4 до 22 септември во Словенија, ќе игра во групата Б со: Србија, Литванија, Црна Гора, Босна и Херцеговина и Летонија.
Ова е епилогот по жрепката што се одржа вечерва во „Постоинска Јама“ во земјата домаќин на Евробаскетот идната година.
Составот на другите три групи е:
Група А: Франција, Велика Британија, Германија, Украина, Белгија и Израел.
Група Ц: Шпанија, Словенија, Хрватска, Полска, Грузија и Чешка.
Група Д: Русија, Грција, Италија, Финска, Турција и Шведска.
Пласман во вториот круг ќе обезбедат трите првопласирани селекции од секоја група.
Натпреварите од групата Б во која е Македонија ќе се играат во градот Јесенице.