Доминик Ливаковиќ (31) ќе стане нов играч на Барселона. Каталонскиот гигант постигна устен договор со Фенербахче за трансферот на хрватскиот репрезентативен голман, објави Фабрицио Романо со својата препозналива фраза „here we go“, со која ги потврдува договорените трансфери.
🚨🔵🔴 Barcelona have reached a verbal agreement for Dominik Livaković to join from Fenerbahçe, here we go!
€2m initial fee, €2m add-ons. Plan to sign Livaković as backup GK from June 2027 when Szczesny leaves.
This season, Livaković will go out on loan as reported — follows… pic.twitter.com/sGVRnMYa12
— Fabrizio Romano (@FabrizioRomano) August 21, 2026
Барселона веднаш ќе му плати два милиони евра на Фенербахче, додека турскиот клуб може да добие уште два милиони преку бонуси.
Ливаковиќ нема веднаш да стане дел од тимот на Ханси Флик. Планот на Барселона е да го испрати на позајмица во тековната сезона, а тој да му се приклучи на тимот во јуни 2027 година.
Одличниот однос меѓу Енди Бара и претседателот на Барселона, Жоан Лапорта, ја овозможи оваа опција за Ливаковиќ, а веста наскоро ќе стане официјална.
Барселона го ангажира Ливаковиќ како иден втор голман, зад Жоан Гарсија.
Договорот на Војчех Шчесни со Барселона трае до 30 јуни 2027 година, по што неговото место во тимот треба да го преземе хрватскиот репрезентативец.
Барселона официјално го продолжи договорот на Полјакот до тој датум минатото лето.
Во најновата објава, Романо не прецизираше во кој клуб Ливаковиќ ќе ја мине оваа сезона на позајмица. Сепак, претходно како многу сериозна опција се спомнуваше Динамо, каде што тој го мина вториот дел од минатата сезона како позајмен играч од Фенербахче.