Екипата на Литвос Ритас е првиот финалист на квалификацискиот турнир преку кој ќе биде познат последниот учесник во групната фаза на кошаркарската Евролига.
Пред домашната публика во Вилнус, Литванија, екипата на Литвос Ритас попладнево го совлада составот на Олденбург со 99:87 и избори место во финалето на квалификацискиот турнир.
Последна пречка на кошаркарите на Литвос Ритас за влез во групната фаза, ќе им биде подобриот тим од вториот полуфинален натпревар во кој ќе играат Остенде и Банвит.
Финалето на квалификациите ќе се игра во петок од 19:30 часот, а победникот од тој натпревар ќе игра во групата Д од Евролигата.