Кошаркарскиот клуб Лирија е казнет со 25.000 денари жод страна на комесарот за натпревари при Македонската кошаркарска федерација, Владимир Макревски.
Причина за казната е инцидентите кои се случија за време на натпреварот од 13-то коло против Кожув.
„Неспортско скандирање кон судиите и гостинската екипа. На теренот фрлени повеќе тврди и меки предмети, запалки, метални пари и пластични шишиња. При крајот на полувремето при еден вербален дуел меѓу играчот на КК Лирија Симиќ Т. и службениот претставник на КК Кожув, Димитров Д., дошло до тензична атмосфера која понатаму се смирила. За време на полувремето при напуштање на теренот на пат кон соблекувалната прскани со вода и навредувани играчите и службените лица на гостинската екипа. По завршувањето на натпреварот голем број неслужбени лица присутни на теренот. Останатото без забелешки од страна на обете екипи и службените лица“, се вели во извештајот.