Со натпреварот кој ќе се одигра вечерва од 18 часот во салата на „СРЦ Кале“ во Скопје меѓу домашниот Вардар и Фени Индустри од Кавадарци ќе започне 6.коло во Првата македонска кошаркарска лига.
Два натпревара од ова коло ќе се одиграат утре. Во Струмица од 18 часот, истоимената домашна екипа го пречекува тимот на Работнички, а од 19 часот во Гевгелија ќе започне натпреварот Кожув – Лирија.
Средбата Пелистер Спорт – Куманово, со која ќе биде комплетирано 6.то коло ќе се одигра в недела од 18 часот во Битола.
Табела: Фени Индустри 9 бодови, Кожув 8, Лирија 8, Струмица 8, Работнички 8, Куманово 8, Вардар 6 и Пелистер Спорт 5.