Шарл Леклер со оптимизам гледа кон викендот на легендарната патека Монца. Возачот на Ферари потсети дека минатата сезона речиси никој не верувал дека „црвените“ ќе бидат во позиција да се борат за врвот, но тимот сепак успеал да покаже карактер и потенцијал.
„Оваа година сме посилни, направивме важни чекори и сметам дека можеме да бидеме конкурентни“, изјави Леклер.
Тој нагласи дека поддршката од италијанските навивачи секогаш носи дополнителна енергија и дека Ферари ќе даде сè од себе да приреди спектакл пред „Тифози“.