Зденек Земан, поранешниот тренер на Рома, Лацио и Наполи и Црвена Звезда доживеа мозочен удар.
Како што пренесуваат италијанските медиуми, Земан во четвртокот бил примен во болница, а моментално се наоѓа на одделението за интензивна нега.
Наводно неговата состојба е означена како „црвена“.
Земан во кариерата водеше голем број клубови, а 77-годишниот Чех седеше на клупата на Црвена звезда во 2008 година.
Последен клуб во кој работеше беше Пескара, која ја напушти поради здравствени проблеми.
Земан беше опериран во февруари 2024 година, исто така по мозочен удар.