По поразот на репрезентацијата на Македонија во првиот натпревар на предолимпискиот турнир против Ангола со 88:84, селекторот Марјан Лазовски на прес-конференцијата по мечот, ја честиташе победата на африканскиот состав и нагласи дека ништо не е загубено и тимот е се уште самоуверен.
„Анголците беа подобри од нас и ја заслужија победата. Водеа уште од првата четвртина, тактички одиграа подобро од нас и им честитам за победата. Утре е нов ден, ние ќе бидеме поконцентрирани, ќе се обидеме да исправиме некои грешки што ги направивме вечерва и верувам во победа. Ништо не е загубено, ние и натаму сме самоуверени“, изјави македонскиот селектор.
Македонските кошаркари вечерва го играат вториот меч во групата каде противник им е Нов Зеланд. Натпреварот во „Полиедро“ арената е закажан за 20 часот.