Заврши анкетата на популарната интернет страница Handball-planet.com во која Кире Лазаров доби најмногу гласови во изборот за МВП на сезоната во Лигата на шампионите.
Нашиот најдобар ракометар и најдобриот стрелец на последното Европско првенство доби 4.417 гласови од сите 8.910 читатели на порталот.
Лазаров собра речиси половина од сите гласови (49.6%), а зад него остана Момир Илиќ од Кил со 40.65% од гласовите, односно 3.622 номинации.
Далеку зад лидерскиот тандем останаа другите ракометари, како Микел Хансен, кој е трет со 415 (4/65%), Филип Јиха со 172 (1.93%) и Бартоломеј Јажка со 168 гласови (1.88%).
Покрај овие петорица гласови добија и Силвио Хајневетер, Ким Андерсон, Гудјон Валур Сигурдсон и Лук Абало.