Капитенот на македонската ракометна репрезентација и играч на Атлетико Мадрид, Кирил Лазаров во интервјуто за ЕХФ пред утрешниот натпревар од Лигата на шампионите против Кил, искажа очекување неговиот тим, како и денешниот противник да се пласираат на завршниот „фајнл фор“ турнир.
– Тоа е навистина тежок предизвик за двете екипи, но верувам дека двете екипи ќе се справат со предизвикот и ќе бидат повторно во големата четворка. Што се однесува до групата, на почетокот би рекол дека Кил и Атлетико Мадрид се во можност да завршат на врвот на табелата на крајот, но сега Веспрем е мојот фаворит број еден да ја заврши оваа група на врвот, истакна Лазаров.
Македонскиот интернационалец се осврна и на утрешниот натпревар кој е дерби на колото во Лигата на шампионите.
– Го победивме Кил во Катар кога станавме светски клубски првак. Ракометарите на Кил беа многу помотивирани и многу подобро тактички подготвени кога играа во Мадрид. Сега се надевам дека ние сме во состојба да вратиме со поголема мотивација и подобра подготовка да го изненадиме Кил. Но, ние повторно имаме целосен респект за нив, изјави Лазаров.
Ова ќе биде четврти дуел на Атлтико Мадрид и Кил во само шест месеци, а шпанскиот претставник го загуби првиот натпревар против Кил дома во групата.