Максимален ефект на гостите во второто коло, во кошаркарската Супер лига, победи забележаа екипите на МЗТ Скопје Аеродорм, Работнички и Фени индустри.
Актуелниот шампион МЗТ, повторно го совлада Куманово – откако во неделата го освоија трофејот во националниот Куп, вечерва се радуваа на триумф во Куманово со 92:78.
Чековски со 22 и Дејвис со 21 поен го предводеа МЗТ до победата, Костоски кај Куманово реализира 26 поени.
Екипата на Работнички бргу го заборави несупешниот настап во Купот, тимот на Емил Рајковиќ запиша гостинска победа над Кожув со 66:59. Абукар со 21 поен беше најефикасниот играч на натпреварот.