Кошаркарите на Куманово во единствениот денешен натпревар од регионалната лига – БИБЛ ќе гостуваат во Софија кај бугарскиот претставник Левски.
Кумановчани на овој дуел кој ќе започне во 17 часот ќе настапат значително ослабени без повредените Ивица Димчевски и Урош Луковиќ.
Табела А група: Галил Гилбоа 4-2 (победи-порази), Куманово 4-2, Ѓуро Ѓаковиќ 2-4, Левски 3-1 и Морнар 1-5.
Вториот македонски претставник во ова натпреварување, тимот на Кожув, вчеравечер на домашен терен го победи Теодо и со учинок од четири победи и четири порази ја заврши групната фаза.
На другиот вчерашен натпревар од Б групата ОКК Београд – Кавала 85:76.
Табела Б група: Кожув 4-4 (победи-порази), Рилски Спортист 4-2, Теодо 4-2, Кавала 3-3, ОКК Београд 1-5.