Домаќините и покрај предноста од девет поени која ја имаа по 30 минути игра, дозволија во последниот период грчкиот тим да фати резултатски приклучок и да се влезе во неизвесна завршница.
Кавала на осум секунди пред крајот стигна и на еден негатива (92:93), но немаше сили за целосен пресврт и победата му припадна на македонскиот претставник во ова натпреварување.
Предводници во победата на Куманово беа Ивица Димчевски со 23, Урош Луковиќ со 17 и Александар Костовски со 14 поени.
Вилијам Колемен со 26 поени беше најефикасен во Кавала, а воедно и на натпреварот.
Со оваа победа Куманово се искачи на првото место на табелата во фазата ТОП 6.
Другите две средби од 3.коло во оваа фаза ќе се одиграт на 6 и 7 март. Двојките се: Левски – Теодо и Рилски Спортист – Галил Гилбоа.
Табела: Куманово 4-3 (победи-порази), Левски 4-2, Кавала 3-4, Рилски Спортист 3-3, Галил Гилбоа 3-3 и Теодо 2-4.
ФОТО: Екипа.мк