Кошаркарите на Куманово ја пречекуваат грчката екипа Кавала во првиот натпревар од 3. коло на регионалната БИБЛ лига од фазатата ТОП 6. Почетокот на овој дуел е од 19 часот.
Кумановчани ќе се обидат ја искористат предноста на домашниот терен и да стигнат до втората победа во оваа конкуренција, а со тоа да го одржат чекорот со екипите кои претендираат за највисок пласман.
Екипите на Рилски Спортист, Галил Гилбоа, Куманово и Кавала имаат по три победи и три порази и со освоени 9 бодови, заостануваат една победа во однос на водечкиот Левски, односно имаат една победа повеќе од последно пласираниот тим на Теодо.
Другите два натпревара од ова коло ќе се играат на 6 и 7 март.