Трите натпревари од 5. коло од Супер лигата ќе се одиграат вечерва. Шампионот МЗТ Скопје ќе се обиде да ја продолжи победничката серија и во СЦ „Борис Трјковски“ ќе ја пречека Фени Индустри, екипа која ја совлада во полуфиналето на Купот на Македонија.
Почетокот на натпреварот е во 19 часот.
Во истиот термин во Куманово истоимената екипа го пречекува Работнички. Кумановчани се единствената екипа без победа во Супер лигата. Третиот дуел се игра во Сарај, каде Лирија е домаќин на Кожув. Почетокот на овој натпревар е во 18:30 часот.
Табела: МЗТ Скопје 4-0 (победи-порази), Работнички 3-1, Фени Индустри 2-3, Кожув 2-2, Лирија 1-3, Куманово 0-4.