Екипите на Работнички и на Кожув синоќа остварија победи на првите натпревари од 11.коло од Првата лига во кошарка.
Во Гевгелија лидерот на табелата Кожув го победи Вардар со 82:60, додека во салата „Градски парк“ во Скопје, Работнички беше убедлив против последнопласираниот Пелистер Спорт и оствари победа од 108:59.
Денеска се играат преостанатите два натпревара од оваа рунда.
Во Кавадарци е дербито меѓу Фени Индустри и Куманово, додека Лирија ја пречекува Струмица.
Табела: Кожув 20 бодови, Лирија 17, Фени Индустри 17, Куманово 16, Работнички 16, Струмица 15, Вардар 13 и Пелистер Спорт 12.