Фудбалерите на Коринтијанс се победници во јужноамериканската Лига на шампиони, откако рано утрово го совладаа Бока Јуниорс со 2:0.
Двоен стрелец на дуелот одигран на „Естадио Мунисипал Пауло Мачадо де Карваљо“ во Сао Паоло беше Емерсон Шеик во 54. и 72. минута.
На првиот натпревар од финалето на „Копа Либертадорс“ Коринтијанс (Бразил) како гостин кај аргентинскиот клуб Бока Јуниорс одигра нерешено 1:1 и со денешната победа стигна до вкупни 3:1 за прв, историски трофеј во ова натпреварување.