Романскиот шампион Констанца по синоќешниот пораз од Кил 25:28 во Букурешт во последното коло од групната фаза од ракометната Лига на шампиони не успеа избори пласман во ТОП 16.
Иако и пред натпреварот шансите беа мали, сепак тимот на Звонко Шундовски и Бранислав Ангеловски не успеа да слави победа над европскиот шампион Кил. Ангеловски натпреварот го заврши со еден постигнат гол.
Вечерва се играат три натпревари од 10.коло: Чеховски Медведи – Флензбург (А група), Савехоф – Цеље (Б група) и Динамо Минск – Барселона (Д група).
Другите дуели од последната рунда се играат во текот на викендот.
А група: Адемар Леон – Партизан и Хамбург – Монпеље (сабота).
Табела: Хамбург 14 бодови, Флензбург 14, Чеховски Медведи 13, Монпеље 6, Адемар 5, Партизан 2.
Б група: Веспрем – Атлетико Мадрид (сабота).
Табела: Веспрем 16, Кил 16, Атлетико Мадрид 10, Цеље 6, Констанца 4, Савехоф 4.
Ц група: Горење – Килце (сабота), Металург – Силкеборг и Шамбери – Санкт Петербург (недела).
Табела: Килце 18, Металург 12, Горење 12, Силкеборг 8, Шамбери 2, Санкт Петербург 2.
Д група: Загреб КО – Кадетен Шафхаузен и Берлин – ПИК Сегед (сабота).
Табела: Барселона 16, Берлин 14, Динамо Минск 11, ПИК Сегед 6, Кадетен Шафхаузен 4, Загреб КО 3.
Досега 13 екипи имаат обезбедно место во ТОП 16 фазата, а меѓу нив е и македонскиот шампион Металург, кој се бори за второто место во групата Ц.