До крајот на Европското првенство во Германија останува само уште еден натпревар, а освен трката за европскиот шампион во која остануваат Шпанија и Англија, отворена е и трката за најдобар стрелец на турнирот.
Во конкуренција за најдобар голгетер на првенството, кој ќе ја добие Златната копачка, останаа четворица фудбалери.
Тоа се Дани Олмо и Хари Кејн со по три гола и Фабијан Руиз и Џуд Белингем со по два гола.
Секако, Букајо Сака, Оли Воткинс, Ламине Јамал, Нико Вилијамс, Алваро Мората, Феран Торес, Дани Карвахал, Родри и Микел Мерино, кои имаат по еден гол на своето конто, имаат шанса да ја освојат Златната копачка, но тоа е речиси невозможно некој од нив во финалето да постигне хет-трик.
Според моменталниот пласман, Дани Олмо е најблиску до Златната копачка.
Имено, иако Кејн и тој имаат по три гола, Олмо има две асистенции, а Кејн ниту една, а тоа е критериум што се зема во предвид во случај двајца играчи да имаат ист број на голови.
Дури и Олмо да не направи ништо во финалето, а Кејн да забележи две асистенции, Олмо би ја добил Златната копачка, бидејќи тогаш би се зел во предвид третиот критериум, а тоа е помал број минути. Олмо досега одигра 341 минута, а Кејн 544 минути.
Поради минутажата, Олмо би ја добил и Златната копачка доколку Руиз постигне гол во финалето. И двајцата би имале по 3 гола и 2 асистенции, но Руиз досега одигра 111 минути повеќе.
Моментален пласман во трката за Златната топка:
Дани Олмо 3 гола / 2 асистенции / 341 минута
Хари Кејн 3 гола / 0 асистенции / 544 минути
Фабијан Руиз 2 гола / 2 асистенции / 452 минути
Џуд Белингем 2 гола / 0 асистенции / 581 минута