Екипата Кливленд ја оствари третата последователна победа над Атланта во финалето од Источната конференција и се наоѓа на само еден триумф до големото НБА финале.
До третата победа во серијата прв до четири Кливленд стигна по продолжение со резултат 114:111, предводен од Леброн Џејмс кој натпреварот го заврши со трипл-дабл ефект – 37 поени, 18 скокови и 13 асистенции, иако во првата четвртина не постигна ниту еден поен од девет обиди.
Уште една победа за пласман во финалето му е потребна и на Голден Стејт, тимот кој во Западното финале игра против Хјустон.
Голден Стејт веќе утревечер ќе ја „брка“ четвртата победа на гостувањето во Тексас, додека четвртиот дуел од финалето на Истокот е ноќта меѓу среда и четврток.
Во досегашната историја на НБА лигата ниту еден тим во плеј-офот не се вратил по негатива од 3-0.