Кошаркарите на Кливленд изедначија на 1-1 во победи во финалето од НБА лигата откако ноќеска го победија Голден Стејт на негов терен со 95:93 (20:20; 27:25; 15:14;25:28; 8:6).
На 3:14 минути пред крајот Кливленд имаше водство од 11 поени 83:72 и малку кој се надеваше на продолжение, а до крајот гостите постигнаа само четири поени (сите од слободни фрлања). Стеф Кари изедначи (87:87) на 8 секунди пред звукот на сирената. Во последниот напад Кливленд во два обида не успеа да стигне до победата, сепак во продолжението гостите беа поефикасни и дојдоа до победата и изедначија на 1-1 во добиени натпревари.
Најдобар играч на дуелот беше Леброн Џејмс со 39 поени, 16 скокови и 11 асистенции, додека кај Голден Стејт Клеј Томпсон постигна 34 поени.
Следните два дуела се играат во Кливленд, а натпреварот број 3 се игра ноќта вторник кон среда.