Капитенот на македонската ракометна репрезентација Кирил Лазаров на последниот дуел против Португалија ја надмина цифрата од 1000 голови постигнати во репрезентативниот дрес.
Ѕвездата на „црвено-жолтите“ на гостувањето, на кое претрпевме изненадувачки и неочекуван пораз од домаќинот, постигна вкупно 9 погодоци, а неговиот седми гол беше јубилејниот за влез во елитниот „клуб 1000“, каде се наоѓаат малкумина во светски рамки.
Со ова постигнување Лазаров влезе во друштвото на Олафур Стефансон од Исланд (1511 гола), Французинот Жером Фернандез (1284 гола), Швеѓанецот Штефан Ловгрен (1138 гола), додека зад него остануваат Џексон Ричардсон (Франција) со 775 гола и неговиот актуелен тренер во Атлетико Мадрид, Талант Душебаев со 726 гола за СССР и Русија.