Нашиот најдобар ракометар, Кире Лазаров со својот Атлетико го совладаа на гостински терен тимот на Грањолерс со 25:30, во рамки на шпанскиот Куп. Овој двомеч ќе биде последен пред Фајнл-форот кој се игра во Виго.
Домашниот тим даваше отпор во првото полувремето, каде што резултатот по 30 минути беше нерешен (11:11).
Во продолжението Атлетико заигра многу подобро и на крај славеше победа од пет гола разлика 25:30.
Нашиот Кире Лазаров со 8 гола беше најефиксен во победничката екипа, Дал собра 15 интервенции, а кај поразениот Грањолерс блескаше Салинас со 7 гола.
Возвратниот меч се игра во Мадрид во арената „Висталегре„ на 27 март, а завршниот турнир од 5 до 7 мај во Виго.