Атлетико Мадрид е во финалето од Фајнл фор турнирот од Лигата на шампионите што се одржува во Келн, откако во полуфиналето славеше против Копенхаген со 25:23, а најзалужен за победата, нашиот Кире Лазаров со 11 погодоци.
Иако на полувремето губеа со 15:12, во второто полувреме сликата беше сосема поинаква. Лазаров беше најзаслужен за пресвртот, и за победата на неговиот тим.
Екипата на Кил ќе биде противник на Атлетико Мадрид во финалето откако во првиот полуфинален меч го совлада Фуксе Берлин со 25:24.
Кил имаше водство во поголемиот тек од мечот, меѓутоа не успеа да се одлепи и да создаде капитална предност пред завршницата. По првото полувреме, Кил водеше со 15:12, но во вториот дел Фуксе изедначи.
Во драматична завршница Кил сепак успеа да стигне до триумф. Победоносниот погодок за 25:24 го постигна Филип Јиха, а потоа Тиери Омејер успеа да спречи ново израмнување и Кил се пласираше во финалето, кое е на програмата утре во 18:00.
..