Поранешниот играч на Пелистер, Вардар, Црвена Звезда, Депортиво Ла Коруња, Каршијака и Победа, Драган Канатларовски е назначен за нов тренер на Спартак од Суботица, објави клубот од Војводина на својата веб страна.
Канатларовски во својата тренерска кариера, два мандата бил и селектор на македонската репрезентација, а на клупата на Спартак доаѓа како замена за Петар Курчубиќ.
52-годишниот тренер ги предводел и екипите на Беласица, Куманово, Победа, Вардар, Локомотив Пловдив и Раднички Крагуевац.
Фудбалерите на Спартак во првите седум кола од Суперлигата на Србија имаат 7 бодови. Во последното коло загубија од Црвена Звезда со 5:0.
Македонскиот тренер во новиот клуб ќе дебитира следниот викенд против Долни Срем.