По само петнаесетина дена од назначувањето на функцијата Генерален секретар на Македонската кошаркарска федерација, Дејан Јовановски денеска преку соопштение информира дека поднесува оставка од лични причини.
– Ве информирам дека од лични причини се повлекувам од функцијата Генерален секретар на Македонската кошаркарска федерација.
– На Претседателот на МКФ и Управниот одбор им се заблагодарувам за дадената доверба и обезбедените услови за работа, а воедно им посакувам успешна работа во насока на развој на македонската кошарка и достојно презентирање на националните селекции во меѓународни рамки, стои во обраќањето на Јовановски до јавноста.