Македонскиот тенисер Томислав Јотовски не успеа да се пласира во финалето на фјучрс турнирот во Сомбор, Србија.
Јотовски попладнево во полуфиналниот меч загуби од домашниот тенисер Дејан Катиќ со 2:0 (по сетови 6:3 и 6:0).
Ова е втор пораз на Јотовски во дуелите со Катиќ, и тоа повторно губи на турнирот во Сомбор, откако пред четири години Македонецот беше поразен во квалификациите (последно коло) за влез на главниот турнир. Тогаш Катиќ победи со 6:4 и 6:1.
Сепак Јотовски може да биде задоволен од својот настап, бидејќи за него ова беше прво полуфинале годинава во поединечна конкуренција.