Трофејниот српски тренер Душан Ивковиќ, и најсериозниот кандидат за селектор на македонската кошаркарска репрезентација, Октај Махмути, ќе бидат најпознатите имиња на тренерскиот семинар „Лазар Лечиќ“.
Присуството на дводневниот семинар во малата сала на спортскиот центар „Борис Трајковски“, е задолжителен за сите тренери кои работат во мак-баскетот, а сакаат Б или Ц лиценца, додека за А лиценца, задолжително е следење на предавањата на Ивковиќ и Махмути.
Семинарот почна со предавње на професот Ненад Труниќ, а попладнево на тренерите ќе им се обратат „таткото на македонската кошарка“ Лазар Лечиќ, како и славниот Ивковиќ и нашинецот Махмути кои на слободна тема ќе дискутираат и ќе споделуваат искуства со присутните.