Фудбалските власти на Италија поставија нова цел и тоа е завршување на шампионатот на 12 јули, пренесува „Газета Дело Спорт“.
Информациите наведуваат дека федерацијата може да спроведе масовни тестови за КОВИД-19 на 27 април, а во отсуство на позитивни примероци, играчите ќе го продолжат со тренинг на 4 мај.
Во моментов идејата е Серија „А“ да започне одново на 31 мај, а тоа ќе даде доволно време тимовите да ги одиграат сите натпревари до 12 јули.
Сепак, ова нема да биде крај на целата сезона, бидејќи УЕФА сака да се одиграат европските клупски турнири откако ќе завршат домашните првенства.
Вкупниот број на заразени ширум светот е над 1,7 милиони. Бројот на загинати надминува 105.000.