Актуелниот европски првак Реал Мадрид успеа новата сезона да ја почне со пехар освоен во рамките на Супер купот што се одигра во Скопје. Прв играч на овој дуел беше Иско, кој е еден од главните играчи на „кралскиот клуб“ во последно време. Тој воедно беше стрелец и на вториот гол со што беше навестена победата и сосема заслужено го доби признанието МВП (најкорисен играч).
– Одигравме еден добар и квалитетен натпревар. Освоивме уште еден трофеј и среќни сме поради тоа. Ова е добар почеток за нас за новата сезона. Не беше лесно да се победи Манчестер Јунајтед, кој беше одличен ривал. Основната цел на Реал Мадрид е да победува и со тоа да освојува трофеи, изјави Иско.