Олимписката и светска рекордерка во скок со стап Јелена Исинбаева рече дека ќе стори се што може за да дојде до третото олимписко злато на Игрите во Рио де Жанеиро.
– Сакам да го освојам златниот медал во Рио. Мојот тренер веќе го направи планот за подготовки, а на мене останува напорно да работам за да ја постигнам целта. И покрај досегашните медали од големите натпреварувања, силно посакувам да победам во Бразил, нагласи руската атлетичарка.
Исинбаева е сопственичка на светскиот рекорд кој изнесува 5,06 метри. Овој резултат го постави во Цирих, а има златните медали од ОИ 2004 во Атина и 2008 година во Пекинг.