Еден од најдобрите фудбалери на денешницата, Шпанецот Андрес Иниеста, заплови во брачните води и го рече судбоносното „да“ на својата партнерка Ана Ортиз.
Свечената церемонија се одржа пред околу 800 гости во дворецот Тамарит во Тарагона. Меѓу бројните гости биле и најдобриот светски фудбалер Лионел Меси, актуелниот претседател на Барселона Сандро Росел, поранешните претседатели Хуан Лапорта и Хуан Гаспарт, како и неговите соиграчи од Барселона Жерард Пике, Пујол, Чави, Давид Виља и поранешниот тренер на Каталонците Пеп Гвардиола.
Иниеста и Ортиз се заедно од 2008 година, а во април минатата година им се роди и ќеркичката Валериа.