Македонскиот кошаркарски репрезентативец Владо Илиевски се договори со хрватскиот клуб Цедевита.
Тој ги договорил условите со клубот, во кој ќе соработува со тренерот Божидар Маљковиќ, а потпис ќе стави откако ќе ги мине деталните лекарски прегледи.
Илиевски беше огромна желба и на раководството и стручниот штаб на МЗТ Скопје, но беше нереално да се очекува да пристигне оваа сезона во тимот од „Јане Сандански“.
Цедевита сепак има многу поголеми амбиции и поголем буџет, а 32-годишниот Илиевски доаѓа на местото на Американецот Куртис Стинсон, како засилување за плејмејкерската позиција.