Во регионалната кошаркарска АБА лига на програмата се натпреварите од 17.коло, а лидерот во ова натпреварување, тимот на Игокеа продолжува со победите. Синоќа на гостувањето во Сплит против истоимената домашна екипа, Игокеа победи со 68:60 за потврда на водечката позиција на табелата.
На другите три дуели: Цибона – Крка 78:86, Широки – Партизан 87:80 и Будуќност – Шолнок 88:63.
Денеска играат, Црвена Звезда – Цедевита и Унион Олимпија – Задар.
Македонскиот шампион и претставник во ова натпреварување, екипата на МЗТ Скопје Аеродром својот натпревар од ова коло против Раднички во Крагуевац ќе го одигра утре.
Табела: Игокеа 14-3 (победи-порази), Црвена Звезда 11-5, Партизан 11-6, Будуќност 10-7, Цедевита 9-7, МЗТ Скопје Аеродром 9-7, Раднички 8-8, Унион Олимпија 8-8, Крка 7-10, Сплит 7-10, Задар 6-10, Цибона 6-11, Широки 6-11 и Шолнок 4-13.