Раководството на Атланта одлучи да го повлече дресот со број 55 во чест на славниот кошаркар Дикембе Мутомбо.
Конгоанецот дојде во Атланта во 1996 година како слободен агент по 5 сезони во Денвер.
Четвртиот пик од драфтот во 1991 година следните 12 сезони ги мина во Атланта, а потоа играше и за Филаделфија, Њу Џерси, Њујорк и Хјустон пред да се пензионира во 2009 година.
„Никогаш не помислив дека ќе го пензионираат мојот дрес. Моето име овде ќе остане засекогаш“, изјави Декембе.
Четири пати е прогласуван за најдобар дефанзивец во НБА лигата и играше на 8 Ал стар средби. Беше познат по блокадите а сега е во Конго каде има изградено болница која се грижи за 140.000 луѓе.