Откако го елиминираше Берлин како најсериозен конкурент северното германско пристаниште Хамбург е германскиот кандидат за домаќин на летните олимписки игри во 2024 година.
За да ја добие организацијата на најмасовниот спортски собир за 9 години Хамбург ќе се бори против Бостон и Рим како најсериозни ривали но и против Доха, Истанбул и Баку кои што исто така ги истакнаа своите кандидатури.
Германскиот олимписки комитет одлуката Хамбург да биде кандидат за домаќин ја донесол со едногласна одлука иако дел од медиумите тврдат дека од десетмината кои што гласале тројца биле против, а тројца се воздржале од гласање.
Германија досега два пати била домаќин на Олимписки игри во 1936 во време на Хитлер и во 1972 година кога се случи нападот на израелските спортисти.