Фудбалерите на Манчестер Сити ќе го поминат Божиќ во кампусот на „Етихад“. И немаше да има ништо чудно бидејќи Сити игра натпревар во четврток (утре) во 13:30 часот.
Дуелот Манчестер Сити – Евертон е првиот од осумте што ќе се играат во Премиерлигата.
Тоа ќе биде можност за „граѓаните“ да им дадат победа на навивачите на Boxing Day и можеби да започнат уште една серија. Сега се во лоша серија – победија само еднаш во последните 12 натпревари во сите натпреварувања.
Пеп Гвардиола потврди дека играчите ќе пристигнат во кампот на Божиќ и ќе бидат пуштени наутро за да можат да поминат време со своите семејства.
– Тренираме секој ден, ќе тренираме во среда навечер, ќе преноќиме во кампот и во четврток ќе играме, ќе играме на Boxing Day – изјави Гвардиола, пренесуваат англиските медиуми.
Доколку играчите се жалат дека не можат да го поминат Бадник во своите домови, Гвардиола кратко одговори.
– Се надевам дека сакаат да бидат тука бидејќи ова е наша работа. Ова е нова ситуација за сите нас. И сите сме одговорни за тоа. Момците трчаат и се трудат посилно од било кога. Слушам како луѓето велат дека играчите не трчаат, дека за се е крив овој или оној играч или тренер – не е до тоа. Се работи за многу мали детали кои не прават да бидеме толку добри како што бевме. Но, на Boxing Day имаме нова шанса. Имаме и играчи кои се враќаат од повреди и наскоро ќе бидеме подобри – изјави Гвардиола.