Перо Антиќ синоќа одигра одличен натпревар во дресот на Олимпијакос, но за жал тоа не беше доволно„црвено-белите“ да дојдат до посакуваниот трофеј.
Македонскиот репрезентативец ги израдува сопствените фанови, но и ги разлути противничките навивачи, па дури и кошаркарите на Панатинаикос.
Центарот на грчката репрезентација, Софоклес Шортсанитис, преку своите колеги испратил „опасна порака“ до Антиќ.
-Кажете му на ништожникот Антиќ дека е мртов човек. Јас ќе го убијам, така да си знае -рекол играчот на Панатинаикос.
Според информацијата, грчкиот репрезентативец бил исфрустриран поради наводните навреди што Антиќ му ги упатил на неговиот соиграч Стефан Лазме.
Дали Антиќ навистина го навредил Лазме, или Шортсанитис барал начин за да изврши притисок врз нашиот ас и официјалните лица, ќе дознаеме наскоро, откако ќе бидат изречени казните за сите вмешани во инцидентите за време на финалето од Купот на Грција.