Македонската тениска репрезентација денеска во 11 часот во Сегедин ќе ги почне натпреварите од Третата Европска зона во Дејвис купот. Прв противник во групата ќе и биде селекцијата на Малта, а улогата на фаворит ја има Македонија бидејќи е носител на групата Б.
Во првото коло слободна е селекцијата на Албанија.
Селекторот Дејан Маринковиќ се реши двајцата наши најдобри играчи да ги одиграат мечевите во поединечна конкуренција.
Според правилата најпрвин игра „вториот играч“ во случајот Томислав Јотовски, а потоа „првиот играч“ Димитар Грабул. На крајот е мечот во двојки, а во зависност од резултатот селекторот може да врши и промени.
Почетокот на мечот е во 11 часот.
Во исто време се играат и дуелите од другите групи: Унгарија – Ерменија (А група), Грузија – Црна Гора (Ц група) и Естонија – Турција (Д група).